Хайрт охиндоо зориулав.

Хөөрхий муу блог маань намайг хэсэгтээ л хүсэл мөрөөдлийг минь оргилуулж эгээ л хөөрхөн охинтойгоо ярилцаж байгаа юм шиг сэтгэлийг минь нимгэлдэг байжээ. Мөрөөдөл минь ингээд хий хоосон зүйл болж үлдлээ ч би энэхүү блогоо үргэлжлүүлнэ ээ яадгын галзуурсан хүн л байгаа биз  блогтоо охин охин гэж орилоод л явъя..
Даанч сэтгэлдээ би итгэж өгөхгүй байсан юм аа. Ингээд мөрөөдөл минь биеллээ гэжүү гэдэгт хэсэгтээ эргэлзсэн, гэхдээ үнэхээр их баяртай байсан шүү энэ бүхний эцэст бие биенээ үзэн ядаж хараахаас өөр зүйл үлдсэнгүй дэ. Миний хүсэл чамд огт хамаагүй байсан юм бол яах гэж надтай дахиж нийлсийн, яах гэж миний хүсэл мөрөөдлөөр тоголж байгаа юм бэ новш минь гэж хашгирмаар л байсан. Одоо бодохнээ бүгд миний буруу юм байна  би чамайг олигтой хайрлаж халамжилж байсан биш ганц удаа ч гэсэн чамтай уулзах гэж гэрт чинь ирж байсан түүх надад байхгүй тийм хүнд итгэхгүй байх нь аргагүй ш дэ. Найз нарын чинь хэлдэг ч зөв адгийн шаар адгийн шаараараа дуусдаг юм байна. Алуурчин алуурчин гээд байсан тэр чинь яс юман дээрээ би өөрөө байж. Уг нь хөөрхөн охинтой болоод хамт амьдраад ирэхээр чамд хайртай болно гэж бодсын тэр бүхнийг үзэж чадсангүйдээ харамсаж байна. Би хүүхдийн хойноос л шаналж уйлсанаас чамаас салсандаа огтхон ч шаналаагүй аргагүй л шаар нэрэндээ бүрэн тохирсон хүн юм да. Чинь сэтгэлээсээ мөрөөдсөн хүссэн бүхэн маань заавал нэг муугаар дуусч байдаг би одоо яачихаад байгаа юм бол до. Хайр дурлалдаа үнэнч баатар болж нэг хэсэг солиорлоо одоо яшиг зүгээр хөөрхөн охинтой болоод хүний дайтай амьдрая гэсэн маань тийм биелэшгүй мөрөөдөл юм гэжүү. Ингэж хүн амьтанд лай болж явахаар энэ блог дээрээ охин минь, охин минь гээд л солиороод явж байя. Яадгын мөрөөдөхөд мөнгө төлөх биш мөрөөдсөн юм маань ямар биелэх биш.
Зарим нэг хүмүүс албатай юм шиг хүний блогт орж ирчихээд хүн доромжлох санаатай энэ блог бол миний ертөнц тэгэхээр юу ч бичсэн миний дур би өөрийгөө рекламдах гэж эсвэл хэн нэгэн хүнд таалагдах гэж энд бичлэг оруулдаггүй юм шүү. 

Сайну уу охин минь. Аав нь ойрдоо ажил ихтэй тэмдэглэлээ хөтөлж чадсангүй гэж худлаа хэлээд яахав. Ер нь сэтгэл жаахан гундуухан байсан болохоор энэ тэмдэглэл маань ч шал утгагүй санагдаад тэгээд хэсэг завсарлаад эргээд ороод ирлээ. Аавыгаа уучлаарай одоо эргэж няцахгүйгээр тэмдэглэлээ хөтөлнө өө. Аав нь өчигдөр мессежний найзтайгаа уулзаж жаахан пиво ууж суухаар болзоод. Аав нь уулзах газраа эрт ирээд пиво уугаад хүлээгээд байсан байдаггүй. Жаахан ажилтай болчихлоо түр хүлээж байгаарай гээд байсан шал худлаа надаас өмнө ирчихсэн хажуугийн ширээн дээр найзтайгаа суучихаад намайг шинжиж байсан байгаа юм да. Тэгээд аавынх нь уур хүрээд, шарандаа би өөр хүн хүлээж байна та хүн андуурч гээд хэлчихээд  гараад явчихсан. Тэгээд ганцаараа нэг газар жаахан пиво ууж байгаад харисан. Одоо дахиж тэрэнтэй харьцахгүй ээ. Аав нь ямар эвгүй байдалд орсон гээч бодохоор уур хүрэх юм. Хамгын зэвүүн нь тэр хоёр нэг их айлгүйтээд инээгээд байсан одоо бодоход намайг шоолоод байж л дэ. Тэр муу өөрөө хоюулаа уулзах уу гэж санал гаргачихаад ганцаараа уулзахаас эмээсэн юм гээд мессеж бичиж байна лээ. Надтай уулзахаас тийм их айгаад байсан юм бол найз охинтойгоо ирнэ шүү гээд л хэлчихгүй.  Би зүгээр хамт сууж пиво уугаад ярилцах гэж л уулзах гэсэн болохоос ямар тэрэнтэй унтаж хэвтэх гэсэн биш үхсэндээ айдгын худлаа царай цүс харж л байхгүй юу. Уг нь өчигдөр хүмүүс надад хэлээд байсан л да би гэж нэг тэнэг толгой байхгүй юу. За за тэр ч яахав одоо өнгөрсөн хэрэг аав нь нээрээ 17-нд ажлаад амралтаа авлаа. Амралтаараа мэргэшсэн нягтлан бодогчдын шалгалтанд бэлтгэх сургалтанд суух гэж байгаа. Энэ сургалт жаахан өндөр үнэтэй юм аа бүх сургалт нь нийлээд 262 400₮ болж байна. Аавынх нь цалин амралт нийлээд ч хүрэхгүй юм байна. Тэгэхээр аав нь шаардлагатай хэдэн гол хичээлд нь суугаад үлдсэнийг нь хувиараа бэлдэх санаатай л байна. Уг нь мэргэшсэн ня-бо болчихвол аав нь далавчтай боллоо л гэсэн үг. Цалин хөлс, нэр хүнд ч өснө. Гэхдээ тийм амар давах даваа биш л дэ. Ямар ч байсан хичээгээд зүтгээд үзнэ дэ. Хүн аваад болоод байхад аав нь ч гэсэн авалгүй яадгын, авж л таарна. За за аав нь ажлаа хийе дэ түр баяртай охин минь. Чамайгаа чанга тэврээд үнсэх өдөр удахгүй ирнэ гэдэгт найдаж байна.

Аав нь арван жилд байхдаа л прокурор болно гэж боддог байлаа.  Арваа төгсөөд конкурс эхлэхэд хамгын түрүүнд "Их засаг" ИС элсэлтийн шалгалтаа авсан юм. Аавыг нь арван жилээ төгсөх жил "Их засаг" ИС их нэртэй байсан юмуу яасан юм одоо сайн мэдэхгүй байна. Аав нь "Их засагт" конкурсдаад тэгээд орох болчихоод өөр сургуульд дахиж өгөөгүй. Тэгээд сүүлчийн удаа гээд Шонхор зуслан явж амарсан юм тэгсэн харин намар хичээл орох болсон чинь төлбөрөө цагт нь төлөөгүй гээд хасаад хаячихсан байгаа юм да. Аав нь өвөөд нь уур хүрээд нэг хэсэг бухимдсан да. Тэгээд үеийнхээ хүүхдүүдээс хоцрохгүй гээд нэг хувийн сургуулийн намрын нэмэлт элсэлтэнд өвөөгийн чинь мэргэжлийг өвлөхөөр болж нягтлан бодогчын ангид шалгалт өгөөд тэгээд л энэ мэргэжлийг эзэмшисэн. Эхэндээ дургүй л байсан сүүлдээ ч тэгэхээ байсан. Энэ мэргэжилдээ ч уг нь нэг их дургүй биш л дэ. Гол нь аав нь сургуулиа их буруу сонгосон. Хэрвээ эдийн засгаар явах байсан бол МУИС, Санхүү гээд сайн сургуульд бэлдэж байгаад орохгүй юу гэж харамсдаг юм. Тэгээд бас нэг жил өнжөөд дараа жил нь өгсөн бол ч гэж боддог л юм. Одоо ер нь хувийн сургуулийн дипломыг нэг их ойшоохоо байчихаад байна шүү дэ.  Аав нь охиноо ийм тийм мэргэжил эзэмши гэж хэлэхгүй ээ харин өөрийнхөө хүссэн мэргэжлээ сонгоорой гэж л хэлье манай Монголчууд чинь их туйлширамтгай улсууд шүү дэ нэг хэсэг аавынх нь үед хууль, эдийн засагруу их хошуурч байлаа аав нь ч гэсэн дэ яг адилхан. Төгсөөд нэг л их сайхан дарга болох юм шиг боддог юм шиг байгаа юм. За за аав нь тэр үед амьд л байвал болох байлгүй дэ баахан дэмий балай юм солиорчихлоо.

Аав нь сая хотоор жаахан ажилтай яваад ирлээ. Өнөөдөр хичээлийн шинэ жил эхлээд Улаанбаатар тэр чигтээ л хөл хөдөлгөөн нэмэгдсэн юм шиг санагдаж байна шүү. Ер нь их дулаахан сайхан өдөр байна аа. Хичээл эхлээд Галаа, Туваанаа лагераас ирчихсэн одоо ч гэр оронг буулгаж өгнө дөө муу хогнууд. Нэг хэсэг дуу чимээнд дасах гэж зовох байх да. Аав нь өнгөрдөг баасан гаригт Пүүжээтэй ахтай нь жаахан пиво уугаад бааранд жаахан суулаа. Хоюулаа баахан буу халаад хүйтэн пиво шимээд нэг мэдсэн шөнийн 2 цаг өнгөртөл суучихсан байна лэ лав гэртээ харихад 3 өнгөрч байлуу яалаа да. Ойрдоо хоюулаа ингэж хамт суугаагүй ярих юм ч их байлаа. Ярих юм ч гэж дэ худлаа нэг их юм үзсэн хүмүүс шиг баахан амьдрал ярина. Тэгээд адилхан байж бие биенийгээ авгай аваачээ гээд л жаахан сургамжлана хэ хэ одоо ч муу найзтайгаа уулзалдах нь ховор болж дэ. Хаяа л нэг ингэж суух юм да. Тэгээд хоюулаа уулзахаараа жаахан хэтрүүлчих гээд байдаг болж. Тэр өдөр хоюулаа нэлээн халаад жаахан бүжиглэх гэж хүн амьтаны элэгийн аваад хаячихлаа. Бүжиглэж байгаа хүмүүсийн дунд ороод бүжиглэхээр л хүмүүс зугтаад явчих юм араас нь очихоор бас л зугтаад хэ хэ тэнд байсан хүмүүсийг баахан хөөж гүйх шиг боллоо сүүлдээ бараг хамгаалагч нь та 2 нэг бол ширээндээ суу эсвэл манайхаас гар гэж хэлэх гээд л байна лээ ш дэ. Аав нь ямар бүжиглэж чадах биш өмдөндөө баах гэж байгаа хүн шиг л хөдөлнө шүү дэ тэгээд хөгширсөнөө мэдэхгүй жаахан халчихаараа бүжиглэх гээд байх юм аа золиг чинь. Нээрээ энэ бааранд чинь яасан жаахан жаахан хүүхдүүд ордог болчихоо вэ. Арван жилийн хүүхдүүд л архи пиво уугаад яваад байх юм аа. Аав нь оюутан болоод л байраг анх удаа баар гэдгийг нь үзэж байлаа ш дэ. Одоо ч цаг үеэ дагаад бүгд л өөр болж дэ. Нээрээ маргааш нь банжиг мэдлэгийн хэдэн найзуудтайгаа Их Монгол шилтгээнд болсон амьд хөгжмийн тоглолтыг үзлээ. Рок ч таалагдаж эхлээд байгаа шүү. Ер нь таалагдаж л байвал аав нь ямарч хамаагүй дуу сонсдог ш дэ. Нээрээ аавынх нь нэг найз байдаг юм тэр намайг рок цугларалтанд авч явна гэсэн. Зэрлэг рок хувцаслаад очино оо яадгын очиж үзмээр санагдаад байгаа юм. За тэр ч яахав өнөөдөр аав нь амралтаа авах гэж их үзэж байна аа. Байж бай л гээд байх юм. Сайхан амармаар санагдаад байна. Тэгээд ч мэгэшсэний сургалтандаа суумаар байдаг. Зовлонтой юм аа аягүй бол няравыг ажлаас нь халахаар надад түр ажлыг нь өгөх гээд амраахгүй байгаа юм боловуу. Чөтгөр бүү мэд. Одоо амралтгүй 15 сар ажиллаж байна. Нээрээ гол юмаа хэлэх гээд мартах гэж байна аав нь өнөөдрөөс тамхинаас гарах гэж үзэж байна. Лав 12 цагаас хойш тамхи татсангүй гүрийж л байна. Уг нь гүрийж байгаад гарчихвал зүгээр л юмсан. За аав нь ажилаа хийе дэ түр баяртай охин минь.

Аав нь арван жилийн 8 дугаар ангид байхдаа том эр болсон гэж өөрийгөө харуулах гэсиймуу эсвэл саваагүйтээд л анх энэ тамхи гэдэг адгийн хороор хордож эхэлсэн юм да. Яахав үеийн хүүхдүүд тамхи татаад байхаар дууриагаад нэг их том амьтан сургуулийн хашаанд тамхи татаад л сууж байдаг байлаа ш дэ. Эхэндээ уушиглаж чадахгүй худлаа рекламддаг байлаа тэгээд бага багаар сорсоор байгаад одоо гарж чадахгүй тамхиндаа живээд л байж байна да. Одоо тамхинд орсондоо туйлаас их харамсдаг тамхинд хүнд хэргэтэй юм юу ч байхгүй. Аав нь одоо бараг 9 жил тамхи татаж байна ашиг нь гэвэл нүүрээрээ дүүрэн батга л байна. Олсон хэдэн цааснаасаа энэ хар тамхинд бас зарцуулна. Аав нь гарах гэж хичээгээд нэг л болж өгөхгүй байна.  Үхсэнээ хийх гэж энэ тамхинд орвоо л гэж одоо харамсах юм да. Миний охин саваагүйтээд тамхи татваа ер хэргэтэй юм биш шүү. Тэгээд үеийн чинь хүүхдүүд тамхи татаад байхаар дууриагаад саваагүйтвээ. Аав нь тухайн үед за энэ тамхийг татахгүй гэвэл татахгүй ш дэ дуртай үедээ л болино гэж боддог байлаа. Энэ бол том эндүүрэл байсан байна лээ нэг л мэдэхэд тамхийг бие маань өгүүлдэг болчихсон. Тэгээд оюутан болоод жинхэнэ гарч чадахгүйгээр улам гүнзгий орсон до. Тухайн үед тамхи татдаг эр хүнд охидууд дуртай байдаг гэсэн тэнэг бодолтой байж дэ. Тэгээд өвөө эмээгийн чинь хоолонд ороорой гэж өгсөн мөнгөөр уушигаа хордуулаад л одоо бодохоор харамсмаар юм аа. Анх тамхи татахыг нэг найзаасаа сурч байсан гэхдээ тэрний буруу биш л дэ ямар миний аманд хүчээр зуулгаад тат гээд тулгасан биш. Зарим хүмүүс амьдралд нь тулгарсан гуниг зовлонг түр зуур ч гэсэн мартах гэж анх сорж үзээд орсон хүмүүс ч зөндөө байдаг. Юмыг яаж мэдэхэв аав нь чамайг бас өөр шигээ ийм алдаа гаргах вий гэж л өнөөдөр ийм солиотой юм биччихлээ.

Өчигдөр орой аав нь бэр эгч шүү ухаантай юмтай хэрэлдээд яасан гэхээр аавынх нь утасны цэнэг дуусчихаж тэгээд яахав цэнэглэх гэсэн ажил дээр цэнэглэгчээ орхочихож уг нь өглөө утсаа гэрт орхиогүй бол ажил дээр цэнэгэлчихгүй юу. Утсаа цэнэглэхгүй бол өглөө сэрүүлэг байхгүй аягүй бол нам унтаад ажлаасаа бас хоцорно гэж бодоод бэр эгчээс цэнэглэгчээ өгч бай хэдэн минут цэнгэлчихээд өгий гэсэн чинь би одоо өөрийнхөө утсыг цэнэглэнэ, өөрийнхөө цэнэглэгчийг яачдын гэж ирээд л учиргүй  муухай аашилдаг байна ш дэ. Аавынх нь уур хүрээд их юмаараа боож дэ хэдэн минут цэнэглээд өгөхөд үхлээ юу гээд хэлцэн чинь бүүр асаад ирдэг байна ш дэ. Угын тийм балиар ааштай, дотуур тамиртай ер нь аавд нь лав таалагдадгүй яахав том ахын авгай болохоор нэг их юм хэлдэггүй болохоос үнэн хүн муутай хүн дэ. Аав нь уг нь хүн муулах дургүй л дэ гэхдээ л бодохоор уур хүрээд байхын аавыг нь юу юу гэнвээ болдог бол ёстой нэг амыг нь ар дээр нь гартал алгадаад хаячихмаар л байлаа. Өчигдөрийн уураа охиндоо бичиж л нэг тайвширч байна да. Аав нь тэгээд ямар хүнд муу санах биш дэ тэгж байгаад л юу ч болоогүй юм шиг мартчихна харин бэр бол тийм биш дотроо хадгалж байгаад дараа нэг хэрүүл уруул гарахаар нөгөөхөө ярьж л байна тийм муухай дотуур тамиртай, дотроо бодоод л явдаг юм шиг байгаа юм. Тэгээд сэрүүлэг байхгүй өглөө унтчихвий гэж дав дув хийсээр байгаад урьд шөнө олигтой унтаж чадсангүй. За яахав өнөөдөр чинь баасан гариг ажлын сүүлийн өдөр юм чинь өнөөдөр л сайхан утъя. За за аав нь ажилаа хийе дэ өдөр зав гарахаар бичнэ ээ.

За тэгэхээр аав нь өнөөдөр анх архи ууж байсан тухайгаа бичихээр шийдлээ. Аав нь долоо билүү наймдугаар ангид ордог намар байсан байхаа тэр үед чинь өвгөнт, найруулсан спирт 2 ид гаарч байлаа. Тэр үед хүмүүс спирт найруулаад дэлгүүр буудлын ойролцоо цагдаагаас нууж зардаг байсан юм. Нэг өдөр хичээлийн их завсарлагаагаар аавтай чинь арван жил хамт сурсан, бас нэг байр, нэг орцны одоо ч сайн найз байгаа Отгоо ах чинь тэгж байна. Өчигдөр аав архинд явуулаад тэгсэн харин найркаа зардаг эгч цагдаагаас архиа нуугаад модны доор хийснийг нь харчихаад аваад байрны подволд хийчихсэн байгаа хоюулаа ууж үзэхүү гэж байна. Тэр үед аав нь юу ч мэдэхгүй жаахан хүүхэд байлаа. Тэгээд яахав ууж үзмээр санагдаад тэгье гээд 2 лаа нөгөө подволруу нь орлоо. Тэгсэн 2 шил найрка байна аа хоюулаа нөгөө хоёрыг нь аваад гараашны ард гараад л уулаа да. Архи ууж үзээгүй болохоор нэг их гашуу оргиод л орж байсан санагдаж байна. Хоюулаа шилээр нь залгилж өгвөө тэгээд нэг шилийг нь уучихаад манраад ирэвээ дахиад нэгийг нь жаахан ууж байтал бүр согтоод ирсэн за хоюулаа болий гээд үлдсэнийг нь асгалаа. Бид хоёрыг архиа уух гэж баахан юм ярьж энээ тэрээ гэсээд байгаад нэг мэдэхэд хичээл тарчихсан. Хоюулаа бараг тасарчихсан нэлээн муу тэр хавийн үеийн хүүхдүүдэд томроод л, том ах нарт хүртэл пээдэлзээд л болж өгвөл нийлж зодчихгоод л байсан. Манай байрны хүүхдүүд бид хоёрыг хараад айж байгаа юм чинь аргагүй ш дэ хоюулаа галзуу барын аманд гараа хийхээс буцахгүй болчихсон байсан юм чинь. Тэгээд подволд орж баахан хэвтэж хэвтэж бүр орой болсон хойно арай гайгүй болж байна шүү. Тэгээд л гэртээ хамаг мэддэг мааниа уншаад л орсон шууд ванны өрөө ороод шүдээ угаагаад хоолоо идэж аваад л шууд орондоо орсон до яаж азаар гэрийнхэндээ баригдаагүй юм. Хааччихаад ирсэн гэхээр нь Отгоогийнд жаахан тоглоод гээд амаа жимийгээд за эртхэн унтлаа нойр хүрч байна гээд орлуугаа шургаж ороод нэг сайхан сэтгэл уужраад унтсан да. Бас зүгээр ч унтаагүй юм байна аа архи үнэртэж магадгүй гээд амандаа маск зүүгээд унтсан юм байна. Маргааш нь харин шартаагүй шүү бодвол элэг сайн байсан болохоор тэгсийн байлгүй. Одоо бол байхгүй ээ шартаад үхнэ ш дэ. Гэхдээ аав нь архи нэг их уудаггүй ээ харин пиво бол уучихна шүү. Сая ажил явдал гээд бараг  архиний төрлийн юм юу ч уусангүй. Амралтаа авахаараа л найзуудтайгаа жаахан пиво ууж сууя. За ингэж л аав нь анх архи ууж үзэж байлаа ш дэ.

Өнөөдөр аав нь өглөө нам унтаад нэг боссон 10 цаг болж байдгийн муу ямбий утсан дээрээ сэрүүлэг тавьсан чинь цэнэг нь дуусчихаж тэгээд босоод хальт хувцасаа өмсөөд нүүр гараа хальт угааж аваад ажилруугаа гарлаа. Өчигдөр уг нь эрт л унтсан юмсан энэ муу сэрүүлэгтээ найдаад л хоцорчихлоо. Одоо хагас өдрийн цалингаа хасуулсаан золиг гэж за яахав дэ хасуулаал биз. Өнөөдөр уг нь аавынх нь хувьд их сайхан өдөр байна аа ажил ч янзтай бүтэж байна. Сая бага сага ажлаа дуусгачихаад охиндоо тэмдэглэлээ бичиж сууна. Аав нь нээрээ 9 сарын 1-нээс амралтаа авах санаатай байгаа тэгээд дипломынхоо ажлыг жаахан бичье, бас лагер гарч хэд хоног эмээ өвөө дээр чинь амрах бодолтой байна. Харин захирал амраахнуу үгүй юу. Одоо аав нь нээрээ оройдоо жаахан хичээлээ үзнэ ээ. Удахгүй хичээл ч эхэллээ тэгээд ч жаахан мэргэжлийнхээ номыг уншиж мэргэшсэн нягтлан бодогчынхоо шалгалтанд бэлдэж байсан нь дээр байх. Аав нь ажил тараад гэртээ очоод нэг бол зурагт хараад нэг бол компьютор тоглоод суучихдаг болжээ муу юманд ч амархан дасах юм да. Одооноос л өөрчлөхгүй бол болохгүй нь шүү бас энэ мэдлэгт орохоо жаахан хязгаарлана аа аав нь нээрээ энэ банжигийн мэдлэгт нэг хэсэг аймар донтсон шүү харин энэ блогыг нээснээс хойш эндээ л хамаг цагаа зарцуулдаг болж дэ.

За урьд нь аав нь бага насныхаа эрүүл мэндийн тухай бичсэн өнөөдөр цааш нь үргэлжлүүлэхээр бичиж байна. Тэгэхээр аав нь багдаа их өвчин туссан тул цэцэрлэгээр хүмүүжээгүй гэр амьтай л хүүхэд байлаа ш дэ. Одоо ч гэсэн тийм дэ нэг их айл хэсэх дургүй. Аав нь ер нь тийм сахилаггүйтэх үедээ сахилгаггүйтчихнэ томоотоо үедээ томоотой тийм л хүүхэд байсан. Сургуульд орохоосоо өмнө эмээгээр чинь гэрийн багш хийлгэж байлаа. Эмээ чинь зодох үедээ зодно сайн хичээлээ хийвэл шагнана. Нээрээ хичээлээ сайн хийхүй болохоор намайг сургуулиас чинь гаргаад жорлон ухагч болгоно гэж айлгадаг байсан аав нь ч ухаан алдатлаа айн шүү дэ. Аав нь 8 настайдаа сургуульд орсон аавынх нь үед 8 настай сургуульд авдаг байсан юм. Аав нь арван жилдээ эмээ, өвөөгийн чинь чихийг нэг их халууцуулдаггүй байсан шүү сурлагаараа бол ангидаа ер толгой цохидог л байлаа. Бараг тав зургаадугаар анги хүртлээ онц гарсан байхаа бүр нэгдүгээр ангид байхдаа л ангидаа түргэн уншигч нь байлаа ш дэ аав нь өөрийгөө худлаа магтаагүй шүү.  Тэгээд 3-р ангиасаа 5-р анги руу дэвшисэн тэр үед ингэж нийтээр нь дэвшүүлсэн юм. Нээрээ аав нь тооны төрлийн хичээлдээ илүү сайн байлаа 8-р ангидаа физикийн олимпиадад орж байсан юм байна даан ч их азгүй тэр үед материал нь солигдоод тэгээд дээд ангийн материал ирчихсэн. 8-р ангиа төгсөөд улаан шугам татахад аав нь эхний 20 багтаж байлаа ш дэ тэгээд математикийн сонгонд аавыг нь авна гээд аав нь харин ороогүй ээ 8 жил хамт сурсан ангийнханаасаа салаад өөр ангид орно гэхээр хэцүү санагдаад ороогүй юм. Одоо бодохноо ордог л байж гэж боддог шүү. За за  аав нь өөрийгөө баахан магтчихлаа одоо сурлага яриахгүй арай өөр юм яръя. Аав нь багдаа нээрээ бөглөө, товч их тоголдог байлаа. Энд тэндэхийн хамаг хувцасны товчыг нь тасалж аваад л, тэгээд энд тэндэхийн хогноос баахан бөглөө түүж нүдээд л шүүрэлцээд цохилцоод хөсрий царайлсан юм л загнуулаад явна ш дэ. Бас нохойгоор их тоголдог байсан гудамжинд явж байгаа нохойг барьж аваад оосорлоод л хөтлөөд явна. Тэгээд гэрээсээ хоол унд зөөж өгөөд л нэг их сайхан нохой дагуулчихсан юм шиг хүүхдүүдэд бааварлана аа .....хойшоо битгий хүний нохой илээд бай урна шүү гээд л муу нохойгоо илж таалаад л үнсэж үнэрлээд л хэ хэ тэгээд гэрийнхэнд харагдчихвал будаа болно ш дэ. Бас аавынх нь үед тетрис гэдэг чинь анх гараад хуйлруулж байлаа тэр үед их цөөхөн байсан бас л их тоголдог байлаа дараа нь хужа компьютор, тэгээд сига хэ хэ бүгдийг нь тоголж өссөн дө. Жаахан томроод сагс их тоголдог болсон. Халтар царайт гэдэг кино гараад автобус хүртэл явахгүй гадаа бараг хөл хөдөлгөөн тасарчихсан байхад аав нь байрныхаа хүүхдүүдтэйгээ сагс тоглоод л байж байдаг байлаа.  Жордонгын улаан фень шүү дэ жордонгын зурагтай футволк өмсөчихөөд л харайж явна шүү дэ тэгээд сагс их тоглохоор өсдөг гэж худлаа байхаа аав нь л лав өсөөд сүйд болсон юм байхгүй л байна. Тэр үед ч хүүхдүүд их байдаг байжээ айлууд их ч олон хүүхэдтэй байж зун бол орой чинь хар мянган юм хөөцөлдөж тоглоно ш дэ. Бас нүдээ бооно, баавгайн чих, тивэг , чирта, ризен гээд ер нь тоглоогүй юм гэж байхгүй. Аав нь нээрээ бүр жааханаасаа хоол хийж сурсан анх 1 билүү 2-р ангид байхдаа л нэг хоол хийж үзсэн тэгээд ер нь дандаа төмс арилгадаг байсан. Тэгээд гурил зуурдаг болоод тэгээд бүр хоол хийх хүнд даалгаврыг хүртэл хүлээдэг байлаа. Хамаг ажлаа амжуулчихаад цэмээрхэн хаалга саваад л гардаг байлаа ш дэ тэгээд заримдаа цонхоор дуудахаар сонсоогүй царайлаад л алга болж өгнө тэгээд авга нард чинь зодуулна хэ хэ. Нээрээ аав нь авга эгчтэйчин унтдаг байсан тэгээд их орондоо шээнэ ээ. Жорлонд шээж байна гэж зүүдлээд л шээчихнэ тэгээд цагаан хэрэгсэл, авга эгчийн чинь бандааш 2 будаа бас л загнуулна хэ хэ. Тэгээд томроод нэг гайгүй болсон до. Бас авга эгчийг чинь Мээмээ гэж дууддаг байсан юм нэг удаа ангийнханых нь дэргэд Мээмээ гэж дуудаад нэг сайн алуулж аваад тэгж дуудхаа байсан да за за аав нь одоо ажлаа хийхгүй бол болохгүй дараа үргэлжлүүлнэ ээ түр баяртай охин минь.

Өнөөдөр аав нь бас л захиралдаа загнууллаа. Яасан гэхээр доллар зараад ир гэж захирал хүнээр дамжуулаад хэлэхээр нь хоолоо идчихээд явъя гэж бодоод байж байсан чинь одоо хүртэл яваагүй юм уу энээ тэрээ гээд бөөн загнууллаа өөрөө яаралтай хэрэгтэй байгаа гээд хэлчихгүй тэгсэн бол хурдан яваад л ирнэ ш дэ. Тэгээд л загнахаараа юу ч хийхгүй байж, цалин аваад л ичихгүй байна уу гээд л улаа бутарчихаад дайраад байх юм. Ёстой нэг ажил хийх ямар ч хүсэл алга ингэж хүнд загнуулан тэгээд ямар ч нэр байхгүй авдаг цалин нь бага би одоо шал дэмий энэ тэнэг газар орсын болохгүй бол гарнаа яадгын ажил мундсан биш худлаа үнэн мэргэжлээрээ хоёр гурван жил ажиллаа нэг ажил олдох л байлгүй. Бас ядахад түлхүүр, лацаа хаячихаж одоо баларсаан бас л загнах байх да. Тэгээд хийх ажилгүй гээд солиороод байсан амралтаа авъя гэхээр өгөхгүй юм ёстой нэг яамаар ч юм дэ. Хэд хоног сайхан юу ч бодохгүй амрах юмсан. За за аав нь одоо худлаа үнэн юм хийж байгаа  царайлахаас  түр баяртай.

Өнөөдөр аав нь захиралдаа загнуулаад баларч байна аа нөгөө сэлбэг дутсан гэсэн чинь гэнт тэр дутсан сэлбэгнээс нь 3 ш гараад ирчихсэн бөөн юм болж л байна одоо бараг цагдаа сэргийлэх болох гээд л байна. Захирал ч бөөн уур няравыг загнаад л өнөөдөр хоолны өмнө захиралд загнуулсан бололтой уйлчихсан орж ирсэн энэ тэнэг ажлаас гарна гээд л байна лээ тэртэй тэргүй халагдах байх да чааваас. Аав нь жаахан цаг гарахаар нь бичиж байна.  Нээрээ аавынх нь бүр сайн найз Отгоо /Отгоогын тухай аав нь тусдаа гарчигтай дэлгэрэнгүй бичнээ/ бие нь муу яасан юм бүү мэд гүйлгээд бөөлжөөд байгаа гэсэн аав нь ажлаа тараад нэг эргэж очихгүй бол болохгүй байх аа. Харин юу авч очдог ч юм билээ мань хүн чинь чихэр жимсэнд нэг их дуртай биш ямар ганц юм аваад очилтой нь биш за за юу ч яадгын тэ. Аав нь өнөөдөр тамхиний ч мөнгөгүй баларч байна аа. Орой аавын чинь бас сайн найз /Пүүжээгийн тухай аав нь тусдаа гарчигтай дэлгэрэнгүй бичнээ/ Пүүжээ ахаас чинь хэдэн төгрөг авна да тэгээд 2 лаа Отгоог нэг эргэж очих төлөвлөгөөтэй л байх шив дэ. Бас аав нь ойрдоо гадагшаа гарах хүсэлтэй болоод байна аа тэгээд жаахан нэтээс мэдээлэл хайсан судалж л байна. Монголд ажлаад ямарч нэмэргүй юм аа цалингаас цалингийн хооронд амьдрасаар л, цуглуулсан хуримтлуулсан юм юу ч байхгүй нэг компьютор лийзэнгээр авсан тэрнээс өөр юу ч алга ядахад төлж дуусгаагүй байгаа. Тэгээд аав нь тэр хэл ус гэдгийг нь сайн мэдэхгүй болохоор бүр өндөр цаоинтай ажилд орох шаанс алга гэхдээ ямарч байсан энэ магистараа авчихвал арай өөр болох байлгүй дэ уг нь одоо ажилж байгаа аавынх нь энэ компани сургалтын төлбөр дааж байгаа болохоор хамаагүй хаяд явж болохгүй л дэ гэрээтэй байгаа уг нь цалинг чинь нэмнэ гэсэн одоохондоо компаний ажил нэг тиймэрхүү байгаа болохоор нэмэхгүй л байна тэгээд бас анх энд ажилд ороход удаан жил сайн ажиллавал байр хүртэл авч өгч болно гэж ярисан л юм байгаа юм тэрэнд нь горьдоод л байж байна да хэ хэ. За за аав нь ажлаа хийе түр баяртай.

Одоогоор аав нь нэг нефтийн бүтээгдэхүүн импортолж худалдаалдаг компанид нягтлан бодогчоор ажиллаж байна. Тэгээд саяхан агуулахаас  их үнэтэй сэлбэгүүд дутаад бөөн юм болж байна. Тэгээд дахиж тоолоод ойрдоо зав тун бага байгаа учир тэмдэглэл бичиж чадсангүй. Одоо ажил тарах гэж байна аав нь жаахан цаг гаргаад энийг бичиж байна.  Нээрээ аав нь магистарт сурч байгаа гэдгээ хэлсэн билүү одоо хэдэн шалгалт өгөөд тэгээд үндсэндээ дипломоо хамгаалах л үлдсэн ирэх жил төгсөнө. Одоо удахгүй хичээл эхлэхээр шалгалт, диплом хамгаалалт гээд зав тун байга л байх юм шиг байна гэхдээ боломжоороо бичнэ ээ. Өнөөдөр жаахан сууж байгаад явна аа эрт очихоор хоол хийх гэж хар төвөг аягүй бол ааваас нь өөр хоол хийх хүн олдохгүй эмээ өвөө нь лагер дээр байгаа. Сая нэг агуулах тоолсон чинь нөгөө алга болсон сэлбэг гараад ирчихэж янз нь агуулах чөгийтэй болж байгаа юм байлгүй дэ хэ хэ. Дотроосоо л нэг нь ажлаад байна да бушуу тэр хулгайч нь баригдаасай билээ төвөгтэй юм зүгээр. За тэр ч яахав аав нь энэ амралтын өдрөөр банжигийн хэдэн найз нартайгаа аялалаар явах гэж байгаа даан ч лайтай юм шиг захирал хагас сайнд нэг ажилтай юм яриад байсан яг хэзээ юм сайн мэдэхгүй л байна тэрийг зохицуулчихвал уг нь нэг салхилаад ирвэл сайхан л байна. Аав нь гэртээ нэг сайхан нэттэй болох юмсан тэгвэл зөндөө юм бичмээр л байна за за аав нь явлаа маргааш ажилдаа ирээд жаахан бичнэ ээ. Уг нь охиндоо бичиж үлдээх хар мянган юм байна өнгөрсөн амьдралаа ч гүйцэж бичих хаа байсан юм дөнгөж бага насныхаа тухай эхлүүлээд орхичихлуу тэгж байгаад нэг сайн бичнэ ээ за, за түр баяртай охин минь.

Өнөөдөр аав нь блогоо хөтөлж эхэлсэн анхны өдөр энэхүү шошгон дээр аав нь охиндоо зориулж блог хөтөлж эхэлхээс өмнөх амьдралынхаа тухай бичих гэж оруулсан бөгөөд өнөөдөр бага насныхаа тухай жаахан бичье. Энэ аавынх нь багын зураг аав нь багадаа их өвчин ороосон хүүхэд байсан гэж өвөө эмээ хоёр нь ярьдаг юм тэгээд буурай эмээ нь энэ олон нөхөөстэй дээлийг хийж өгсөн дом юм юм шиг байгаа юм.  Аавд нь багадаа тусаагүй өвчин гэж бараг байхгүй ээ зүрхэндээ хүрэл апериас хийлгээд авсан гэж байгаа ямар сайндаа энэ хүүхэд хүн болохгүй байх гэж хамаатны хүмүүс маань ярьдаг байсан гэсэн. Эмээ нь ажлаа орхиод аавыг нь сахиад, өвөө нь цай хоол зөөгөөд л гүйдэг байсан гэсэн. Бүр үхсэн гээд ноорогт хүртэл хийсэн гэсэн  азаар удалгүй өөр хүн ноорогт хийж байгаад амьд байна гэж мэдсэн юм шиг байгаа юм.  Тухайн үед эмээ, өвөө хоёр нь бүр ухаан санаа нь самуурчихсан байсан гэсэн тэгээд ч тэр эмч сувилагч нар нь хэрэгт орохгүйн тулд аавынх нь төлөө их гүйсэн юм шиг байгаа юм. Гэхдээ сонин хэвлэлээр гараад нэлээн шуугисан гэсэн шүү аав нь өвөө эмээгээс нь сайтар асууж байгаад байдаг бол тэр сонинг нь олж авахыг хичээнэ ээ. Ингээд л аавыг нь үхээд боссон гэж хүмүүс хэлдэг юм да  өвөө нь ч энэ тухай нүдэнд харагдтал ярина шүү дэ . Аав нь одоо жаахан мартчихаж лав эмээ нь аавд нь цусаа гүймэн их өгсөн гэсэн бүр ухаан алдаад унадаг байсан гэсэн шүү. Аргагүй ш дэ өчнөөн удаан шөнөжин нойргүй сахиад тэгээд өчнөөн цусаа надад юүлэхээр чинь тэгээд аавд нь санаа зовоод олигтой ч хоол унд идэж чададгүй байсан байх. Ямар сайндаа эмээг нь нэг өдөр сайхан амар гээд өвөө нь сахисан чинь орой нь санаа зовоод нойр ч хүрэхгүй байна аа гээд буцаад ирсэн гэсэн. Аав нь тэр үед дөнгөж дөрөв тавтай л байсан байх дуслаар хоололоод ухаангүй л хэвтэж байсан байх. Өвөө нь лам багш дээрээ очоод асуусан чинь одоо зүгээрээ хүнд үеэ давчихсан байна одоо сүхээр цохиулсан ч яах ч үгүй гэж хошигносон гэсэн нээрээ л үхсэн гээд ноорогт хүртэл хэвтэж байсан хүн чинь тэгээд бага багаар сайжраад нэг юм гайгүй болсон гэсэн. Одоо тэр лам багш нь бурхан болсон л до гэхдээ цагаан сараар өвөө, эмээ хоёр нь очиж золгодог юм.  Их л номтой хүн байсан гэж өвөө нь ярьдаг да. За аав нь ингэж л хүн болсон юм да өвөө, эмээг нь гүймэн их зовоосон байгаа биз одоо ийм том болчихоод олигтой ч ачыг нь сайн хариулж чадаагүй л байна. Өвөө эмээ нь чи л хүн шиг сайхан амьдарч байвал бидний ачыг хариулж байна гэж бодоорой гэдэг юм. Аав нь ч гэсэн охиндоо энэ үгийг хэлье. Өвөө, эмээ хоёр нь их сайхан сэтгэлтэй ухаантай улс байгаа аав нь дараа тэгж байгаад жичдээ бичнэ ээ. Нээрээ аав нь жаахан байхдаа уйлахаараа дандаа ааваа гэж уйлдаг байсан гэсэн хүмүүс энэ хүүхэд хөөрхий ээжгүй юм шиг байгаа юм гэж хүртэл ярьдаг байсан гэсэн. Миний охин ч гэсэн ааваа гэж уйлах болов уу аягүй бол магадгүй шүү хэ хэ.

Би хэдийгээр одоохондоо насан туршын хайраа олоогүй байгаа ч тун удахгүй тэрэнтэйгээ учрах байх гэсэн итгэлээр дүүрэн байна. Тэгээд хөөрхөн охинтой болоод сайхан амьдарна гэж мөрөөддөг. Энэ мөрөөдөл маань удахгүй биелнэ гэдэгт итгэлтэй байна. Яагаад заавал охинтой болохыг хүсдэг гэхээр би анхны хайртайгаа үерхэж байхдаа л хоюулаа хөөрхөн охинтой болоод сайхан амьдарна гэж мөрөөддөг байлаа. Би ч охинд их хайртай. Хэдийгээр тэр маань одоо байхгүй болсон ч охинтой болох хүсэл маань улам илүү булгилах болсон. Одоо бүр охиноо тэвэрчихсэн явж байгаа гэр бүлийг харахаар бүр атаархаад бодолд хүртэл ордог шүү. Яагаад ч юм бэ мэгшээд уйлж байгаа нь хүртэл хайрлахгүй байхын аргагүй хөөрхөн ш дэ. Манай ам бүл том нь эмэгтэй, дараагын дөрөв нь бүгд баньд л да тэгээд бүр багаасаа л эмэгтэй дүүтэй байсан бол сайхан байхгүй юу гэж боддог байсан. Тэгээд ч миний анхны хүүхэд охин байна гэдэгт итгэл төгс байна. Ингээд би энэхүү блогыг ирээдүйд төрөх охиндоо зориулж чөлөөт цагаа ашиглан өдрийн тэмдэглэл маягаар хөтлөхөөр шийдсэн бөгөөд цаг нь ирэхээр охиндоо сурпериз болгон өгнө гэсэн сэтгэлээр нээлээ. Магадгүй би охиноо том болохыг нь харж чадахгүй ч юм билүү хүний амьдралыг одоо ингэнэ, тэгнэ гэж таахын аргагүй шүү дэ. Охин маань энэхүү блогыг үзээд аавынхаа тухай илүү ихийг мэдэх боломжтой болохоос гадна аавынхаа ямар амьдралыг туулж өнгөрүүлсэн, алдсан алдаа, оноо бүхнээс сургамж аваасай гэж бодсон юм. Олон жил өнгөрөөд охин минь чи энэ блогыг үзэж байгаа бол аав нь чамдаа хязгааргүй хайртай шүү. Чи бол миний мөрөөдөл амь амьдрал минь билээ. Аавынхаа ертөнцөд тавтай морил охин минь.